E VLAM LIBER

Di un manera brutu nan a sekuestrabo foí bo pais
I ku menasa i maltrato nan a trata di káp bo raís.
Nan a batisábo ku otro nòmber,
Sea bo tabata muhé òf hòmber!
A siñabo, bisando bo ,ku bo ta mahóso,
Flóho, prétu i fastióso .
Nan a skonde pabo e realidát,
Ku di e región ku bo ta radiká,
Djeinán humanidat a inisiá!
Nan a bendébo manera merkansía,
I ponébo traha manera buriku sin sía.
A bisabu ku bo nó ta hende i ta p’esei
Manera bestia abo i bo famia mester a bende!
375 aña b’a resistí i después ku sklabitut a keda abolí,
Bo lucha pa rèspèt ta keda insistí.
Awe, bo yunan mes ke ponebo na kadena,
Loke ta kousabo grán pena.
Pero, no keda kabes abou,
Pasó, e vlam líber di bandabou,
Ta té den laira, kargá pa berdadero yunan di Kòrsou!

Helmin Magno WIELS

                        
PUEBLO SOBERANO              

17 DI Ougùstùs 2010.