Komunikado Ivar Asjes Friday, 07 December 2012 06:47 |  |  | 
Parlamentario Ivar Asjes ta kuestioná aktitut inkonsistente di esnan den fundashon KFO… WIELS NUNKA LO LAGA E LUCHA PA SOLIDARIDAT I SOBERANIA KAI WILLEMSTAD - Sr. Ivar Asjes, Miembro di Parlamento pa Pueblo Soberano, a tuma nota di e komunikado i posishon di e abogadonan: Srs. Anthony Eustatius, Eldon (Peppie) Sulvaran i Chester Peterson di fundashon Kòrsou Fuerte i Outónomo (KFO). Según Parlamentario Asjes, e komunikado di KFO ta demostrá ku Srs. Eustatius, Sulvaran i Peterson definitivamente a pèrdè strea di Nòrt, pasó e 3 personanan aki ke krea e impreshon eroneo ku ta nan di KFO supuestamente a kuminsá ku e lucha di solidaridat i soberania pa Kòrsou i ta despues numa tur sobrá organisashon i hende, entre otro Pueblo Soberano i Sr. Helmin Wiels, a yega serka.
|
